Deustuko Unibertsitateak tradizio luze eta sendoa du irakasleen hezkuntzan eta prestakuntzan.
Lehen Hezkuntzako Graduko ikasketak lehen hezkuntzan lan egiteko trebatzen duten ikasketak dira, hau da, 6 urtetik 12ra bitarteko umeen irakasle tutore izateko prestatzen duten ikasketak, etapa horretako irakasgairik gehienetako irakasgaiak emateko prestatzen dutenak.
Lehen Hezkuntzako Graduaren helburu orokorra hauxe da: sei urtetik hamabi urtera bitarteko eskolaldiko irakas-ikaskuntza egoerak ulertzeko, aztertzeko, interpretatzeko eta haietan esku hartzeko behar diren gaitasunak izango dituzten hezkuntzako profesionalak prestatzea.
Lehen Hezkuntzako irakaslea gai izango da hezkuntzaren erronkei aurre egiteko honelako hezkuntza batean:
- Prestakuntza eleaniztunean.
- Informazioaren eta komunikazioaren teknologiez baliatzen denean.
- Aniztasunari tratamendu inklusiboa eman nahi dionean.
- Inguruko gizartearekin eta familiekin lan egin nahi duenean.
2009an Bilboko Campusean Lehen Hezkuntzako gradua ezarri zen. 13/14 kurtsotik aurrera, Donostiko Campusean ere ikasketa horiek egiteko aukera egongo da, bi aipamen berrirekin: Entzumen eta Mintzaira eta Gorputz Hezkuntza.
